00:00 22 июля 2011 г.
Халĕ çĕр ĕçлекенсем умĕнче тĕрлĕ выльăх апачĕ ытларах хатĕрлесе хурас, вырмана тĕплĕ хатĕрленсе, тыр-пула вăхăтра та çухатусăр пухса кĕртес задачăсем тăраççĕ.
Июлĕн 21-мĕшĕ тĕлне районти ял хуçалăх предприятийĕсемпе хресчен фермер хуçалăхĕсем пурĕ 2810 гектар çинчи нумай çул тата 415 гектар çинчи пĕр çул ÿсекен курăксене çулнă. Вĕсенчен ку вăхăт тĕлне 3810 тонна утă, 9500 тонна сенаж, 300 тонна силос хатĕрленĕ. “Акконд-агро фирма” хупă акционерлă обществăпа “Шимкусский” ял хуçалăх кооперативĕ сенажпа утă хатĕрлес енĕпе ырă тĕслĕх кăтартаççĕ, кал-кал та ÿсĕмлĕ ĕçлеççĕ.
“Шимкусский” ял хуçалăх кооперативĕ çавăн пекех ял çумĕнчи уйра кĕрхи ыраш çулса кушăхтарма тытăннă.