00:00 01 июля 2011 г.
Потребительсен кооперацийĕн хисеплĕ ĕçченĕсем тата ветеранĕсем!
Сире Пĕтĕм тĕнчери кооперативсен кунĕ ячĕпе саламлатăп!
Хăйĕн вăрăм историйĕнче коопераци юхăмĕ пурăнас пултарулăхне, ĕç тухăçлăхне ĕнентерсе панă, обществăн хăватлă аталану вăйĕ пулса тăнă. Республикăри потребительсен кооперативĕсем ялсен аталанăвĕшĕн пысăк пĕлтерĕшлĕ, ял хуçалăх продукцине тирпейлессипе, ял ĕçченĕсене производство хатĕрĕсемпе тата кирлĕ таварсемпе тивĕçтерессипе, кредитсем парас тата страхлас енĕпе пулăшассипе çыхăннă ыйтусене ăнăçлă татса параççĕ.
"Пĕрлĕхре – вăй", – шăпах çак сăмахсем потребительсен кооперацийĕн аслă пĕлтерĕшне питĕ лайăх сăнарлаççĕ. Пĕрлехи тĕллеве пурнăçланă чух пĕр-пĕрне пулăшнин принципĕ республикăри кооперацие чи лайăх йăласене упраса хăварма, рынок условийĕсенче ăнăçу тума пулăшнă. Раççейри пурте йышăннă лидер, республикăри кооперативсен ватă пĕрлешĕвĕ – Чăвашпотребсоюз – ял аталанăвне тата çынсен пурнăç пахалăхне çĕклес ĕçе курăмлă тÿпе хывать. Çынсене ĕçпе тивĕçтерни, çĕнĕ ĕç вырăнĕсем йюркелени, ветерансене, инвалидсене, нумай ачаллă çемьесене пулăшни кооперативсен социаллă яваплăха тĕпе хуракан ĕç-хĕлĕн мухтавлă тĕслĕхĕсем пулса тăраççĕ.
Потребительсен кооперацийĕн ĕçченĕсен вăй-халĕ, предпринимательлĕхри пуçарулăхĕ, профессионализмĕ тата опычĕ халăх пурнăçне малашне те лайăхлатса пыма пулăшасса шанатăп. Çирĕп сывлăх, малашлăха шанма, чи хăюллă ĕмĕтсене пурнăçлама вăй-хал, ырлăх тата телей сунатăп!
Чăваш Республикин Президенчĕ М.Игнатьев.
Потребительсен кооперацийĕн хисеплĕ ĕçченĕсем тата ветеранĕсем!
Сире Пĕтĕм тĕнчери кооперативсен кунĕпе ăшшăн саламлатпăр. Районти суту-илÿ, обществăлла апатлану системинче, çăкăр заводĕнче, хатĕрлев ĕçĕнче, пылак шыв кăларакан цехра 260 çын ытла тăрăшать. Суту-илÿре халăха таварпа тивĕçтересси лайăхланса пырать. Самана таппипе тан утса, конкуренцире çухалса каймаççĕ пирĕн ĕçченсем. Çынсем шанаççĕ вĕсене, çавăнпа тачă çыхăну тытаççĕ. Ял хуçалăх продукцийĕ, чĕр тавар туянас, производствăна аталантарса çĕнĕрен ĕç вырăнĕсем йĕркелес ыйтусем те тĕп тимлĕхре. Юлашки çулсенче суту-илÿ предприятийĕсене юсассипе, ĕç условийĕсене лайăхлатассипе чылай ĕç тунă. Районти кооператорсем республика пĕлтерĕшлĕ конкурссенче çулленех хăйсен ăсталăхĕпе палăраççĕ. Тăвай енре туса кăларакан продукцие ытти çĕрте те кăмăлпа туянаççĕ. Тивĕçлĕ канури 110 ветеранпа та çыхăнăва татмастпăр. Вĕсем малашне те хăйсен ырă сĕнĕвĕ-канашĕсемпе пулăшса тăрасса шанатпăр.
Районти кооператорсене халăх ыйтăвĕсене туллин тивĕçтерессишĕн вăй-хала шеллемесĕр тăрăшнăшăн тав тăватпăр. Çирĕп сывлăх, ăнăçу, иксĕлми телей, тăнăçлăх, çемьере килĕшÿлĕх, юрату сунатпăр.
“Тăвайри кооператив” потребобщество администрацийĕ.