00:00 24 июня 2011 г.
Хаклă ентешĕмĕрсем!
Сире Республика Кунĕ ячĕпе чун-чĕререн саламлатăп!
Çĕртме уйăхĕн 24-мĕшĕнче Чăваш Ен халăхĕ пĕлтерĕшлĕ пулăма – Республика Кунне – уявлать. Вăл пирĕншĕн чăваш халăхĕ хăйĕн кун-çулне ирĕклĕн палăртма пултарнине, обществăри мал ĕмĕтлĕ вăйсем пĕр шухăшлă пулнине, Чăваш çĕрĕ çинче килĕштерсе, туслă пурăнакан халăхсен пĕрлĕхĕ тĕрекленсе пынине çирĕплетекен хăйне майлă символ. Аслă та савăк уяв кунĕнче эпир хамăра Чăваш Ен ятлă хăтлă, çутă çурт çĕклекен пысăк та туслă çемье пек туятпăр. Чуна çывăх çĕр-шывăмăр çулсерен пуянлансах, капăрлансах пытăр.
Эпир хамăрăн тăван енпе, унăн пуян историйĕпе тивĕçлипе мух¬танатпăр, чăваш халăхĕн аваллăхран тăсăлакан йăли-йĕркине асра ты¬татпăр, мăн асаттемĕрсене сума сăватпăр, паллă ентешĕмĕрсене тивĕç¬липе чыслатпăр.
Республика хăйĕн çуралнă кунне пултаруллă та хĕрÿ ĕçре кĕтсе илет. Çĕнĕ производствăсем уçăлаççĕ, пурăнмалли çурт-йĕр хута ярасси ÿсет, экономикăра, спортра, наукăра, вĕренÿре, меди¬ци¬нăра тата культурăра инноваци технологийĕсем ĕçе кĕрсе пы¬раççĕ. Социаллă пурнăçпа экономика аталанăвĕнче пĕчĕк тата вăтам биз¬нес ĕçĕнче тăрăшакансен ырă витĕмĕ палăрать. Паян пирĕн респуб¬ликăра об¬щество инфратытăмĕ кал-кал аталанать: çĕнĕ шкулсемпе ача сачĕсем, спорт керменĕсем çĕкленеççĕ, пĕтĕмĕшле практика врачĕн офи¬сĕсен, ял клубĕсен йышĕ ÿсет, вĕренÿ центрĕсем йĕрке¬ленеççĕ. Хăюл¬лăнах çапла калама пултаратпăр: нумай нациллĕ Чăваш Ен малаш¬лăха шанчăклăн пăхать.
Республикăра пурăнакан кашни çынна çирĕп сывлăх, ăнăçупа те¬лей, тăнăçлăх тата çитĕнÿ сунатăп!
Чăваш Республикин Президенчĕ М.В.ИГНАТЬЕВ.
Хаклă çамрăк туссем!
Сире Çамрăксен кунĕ ячĕпе чун-чĕререн саламлатăп!
Çамрăклăх – пурнăç сиксе вĕрекен тата хăвăрт иртекен тапхăр, çавăнпа та çак вăхăтра мĕн тума палăртнине пурнăçлама ĕлкĕрмелле: чăнлăх тупсăмне шыраса тупмалла, çĕннине уçмалла, çитĕнÿ тума тăрăшмалла. Ахальтен мар вĕт халăхăн чи пултаруллă та мал ĕмĕтлĕ пайĕ кирек хăçан та – яш-кĕрĕм.
Çамрăксем тĕлĕшпе тытса пыракан патшалăх политикин тĕп тĕллевĕ – çамрăк граждансен вĕренÿ правине тивĕçтересси, вĕсене професси илме, пурнăçра хăйсен вырăнне тупма, пĕлĕвĕпе тата пултарулăхĕпе туллин усă курма пулăшасси. Пирĕн яш-кĕрĕмĕн конкуренци анинче хăйне тивĕçлипе кăтартма, çитĕнÿсем тума ăнтăлмалла тата яланах ăсталăхне ÿстерме тăрăшмалла. Çамрăксем пĕр-пĕрне юратса çирĕп те телейлĕ çемье чăмăртани вара наци сывлăхĕпе тĕреклĕхĕн шанчăклă никĕсĕ пулса тăрать.
Чăваш Ен çамрăкĕсем паян хăйсене спортпа политикăра, вĕренÿпе сывлăха сыхлас ĕçре, культурăпа ăслăлăхра, строительствăпа промышленноçра, ял хуçалăхĕпе бизнес ĕçĕнче тивĕçлипе кăтартаççĕ. Эпир Сингапурта иртнĕ Çамрăксен I Олимпиадин чемпионĕсемпе, Раççей Президенчĕн премийĕн лауреачĕсемпе, “Çурçĕр полюсĕ патне – йĕлтĕрпе” экспедицие хутшăннă çамрăксемпе, Атăл леш енчи “Мол–Город” форума йĕркелекенсемпе тивĕçлипе мухтанатпăр. Пĕлсе тăратăп: малта сире çĕнĕ çитĕнÿсемпе пысăк пуласлăх кĕтеççĕ.
Эпĕ Чăваш Енĕн тĕлĕнмелле лайăх çамрăкĕсене чунтан шанатăп! Сире мĕн пур ырă ĕçĕрте çитĕнÿ, çирĕп шанăç, тĕллевсемпе ĕмĕтсене пурнăçлама вара хастарлăхпа телей тата юрату сунатăп.
Чăваш Республикин Президенчĕ М.В.ИГНАТЬЕВ.