00:00 15 февраля 2011 г.
Йăлана кĕнĕ йĕрке тăрăх кашни уйăхăн виççĕмĕш юн кунĕ – Чăваш Республикинче Пĕрлĕхлĕ информаци кунĕ.
Вăл хальхинче февралĕн 16-мĕшĕнче иртет. Çак кун Шупашкартан килнĕ тата хамăр районти информаци ушкăнĕсем тĕрлĕ çĕрте халăхпа тĕл пулса калаçĕç. Пĕрлĕхлĕ информаци кунĕнче, тĕпрен илсен, 3 тема хускатма палăртнă:
1. Чăваш Республикинче халăха ĕçпе тивĕçтересси çинчен.
2. 2010 çулхи тупăшсен декларацине тăратас пирки.
3. Чăваш Республикинче Раççей космонавтика çулне ирттересси çинчен.
Çавăн пекех тĕл пулусенче газ, транспорт хакĕсем мĕнлерех улшăннине те ăнлантарса парĕç.
Информаци ушкăнĕнчисем ялсенче, предприятисемпе организацисенче халăхпа тĕл пулнисĕр пуçне, район администрацийĕн пĕчĕк залĕнче те 12 сехетрен çынсене харпăр хăй ыйтăвĕсемпе йышăнĕç.
Т.ШАШКОВА.