00:00 11 февраля 2011 г.
Нарăс уйăхĕн 13-мĕшĕнче районта Пĕтĕм Раççейри “Раççей йĕлтĕр йĕрĕ – 2011” ăмăрту иртет. Пĕлтĕр Тăвай Енре 500 ытла çын старта тухнăччĕ. Шкул çулне çитмен учрежденисене çÿрекенсем 150 метрлă, вĕренекенсем, çамрăксем, аслă ăру çыннисем 2500 метрлă дистанцисенче ăмăртĕç. Сочире 2014 çулта иртекен хĕллехи Олимпиадăна халалласа VIP–чупу (2014 м) пулĕ.
Йĕлтĕрçĕсен чупăвĕ Тăвайри спорт комплексĕнче иртет, 11 сехет те 30 минутра ăна савăнăçлă лару-тăрура уçаççĕ. Кашни ÿсĕм ушкăнĕнчех малти вырăнсене тухнисене дипломсемпе, парнесемпе хавхалантараççĕ.
Йĕлтĕрçĕсен массăллă чупăвне ирттерме ятарлă комисси йĕркеленĕ. Тĕплĕнрех 2–13–03, 2–13–48 номерсемпе шăнкăравласа пĕлме пултаратăр.