00:00 25 января 2011 г.
Тунтикунхи планеркăра иртнĕ эрнери ĕçсене пĕтĕмлетнĕ, умри задачăсене палăртнă. Район администрацийĕн пуçлăхĕ Ю.Е.Васильев Тăвайри нумай хваттерлĕ çуртсен комитечĕсен представителĕсемпе, унта пурăнакансемпе тĕл пулни икĕ енĕшĕн те усăллă иртнине палăртнă. “Çынсен пурнăç пахалăхне ÿстерес ыйтусем малти вырăнта пулмалла, çавăн чухне кăна эпир районăн экономикипе социаллă аталанăвне лайăхлатма пултарăпăр”, – тенĕ. Çавăн пекех çурхи ĕçсене хатĕрленес пирки те чарăнса тăнă вăл.
Планеркăра районти предприятисемпе организацисен, учрежденисен, райадминистрацин пай ертÿçисем тухса калаçнă.
Т.ШАШКОВА.