00:00 10 декабря 2010 г.
Декабрĕн 11-мĕшĕнче Тăвайра хĕллехи спорт сезонне уçас тĕллевпе йĕлтĕрçĕсен ăмăртăвĕсене ирттереççĕ. Командăпа мала тухакансене пĕтĕмĕшле пĕлÿ паракан шкулсенче вĕренекенсем, учительсем, организацисемпе предприятисем, ялсен поселенийĕсем, район администрацийĕн управленийĕсемпе пайĕсем, ĕç тăвакан влаçăн республикăри тата федераллă органĕсенче ĕçлекенсем хушшинче палăртаççĕ.
Ăмăртусем 4 ÿсĕм ушкăнĕнче иртеççĕ: 6–7, 8–9 тата 10–11 классенче вĕренекенсем тата çитĕннисем. Кашни команда 2 арçынпа (арçын ача) 4 хĕрарăмран (хĕрачаран) тăрать. 6–9 классем тата аслă хĕрсемпе хĕрарăмсем 2, 10–11 классенчи хĕрсем тата арçынсем 3, 10–11 классенчи яшсем 5 километра чупаççĕ. Пурне те йĕлтĕр йĕрĕ çине йыхравлатпăр.
О.ЛОМОНОСОВ.