00:00 30 ноября 2010 г.
Раштав уйăхĕн 3-мĕшĕнче – инвалидсен Пĕтĕм тĕнчери кунĕ! Шел пулин те, пирĕн хушăмăрта сывлăх тĕлĕшĕнчен çирĕпех мар çынсем те сахал мар.
Сусăр çынсене “Раççей Федерацийĕнче инвалидсене социаллă хÿтлĕх парасси” законпа килĕшÿллĕн тĕрлĕ çăмăллăхсемпе тивĕçтерсе тăраççĕ. Чылай чух, уйрăмах яллă вырăнта, пур çăмăллăха та парса çитерейместпĕр-ха. Апла пулин те пирĕн тăрăхра пурăнакан инвалидсем район пурнăçĕнчен айккинче тăмаççĕ. Чылайăшĕ экономикăпа социаллă сферăн тытăмĕнче вăй хурать. Ал ĕçĕпе кăсăкланаççĕ, республикăра иртекен тĕрлĕ конкурссене, ăмăртусене ăнăçлă хутшăнаççĕ вĕсем.
Инвалидсен кунĕпе саламласа сире çирĕп сывлăх, иксĕлми вăй-хал, тÿсĕмлĕх сунатăп, савăнăçлă кунсем ытларах пулччăр.
В.ШАКРОВ, район администрацийĕн пуçлăхĕн ĕçĕсене туса пыракан.