00:00 09 ноября 2010 г.
Милици сотрудникĕсем, ĕç ветеранĕсем!
Сире професси уявĕпе – Милици кунĕпе чĕререн саламлатăп.
Сирĕн канăçсăр ĕçĕр çынсене лăпкă пурăнма май парать. Çĕрле е кăнтăрла, кирек мĕнле çанталăкра та эсир хăвăр çемьесене, ăшă кил-çурта хăварса, задание пурнăçлама васкатăр. Эсир патшалăх интересĕсене хÿтĕлетĕр, право йĕркине тытса пыратăр, преступлени тăвассипе кĕрешетĕр, профилактика ĕçĕсем пурнăçлатăр. Сахал мар пĕлÿ, вăй-хал, кăмăл çирĕплĕхĕ кирли милици ĕçченне.
Пархатарлă ĕçĕршĕн сире пысăк тав. Палăртнă тĕллевсене малашне те ăнăçлă пурнăçламалла пултăр. Районта право йĕрки сирĕн тăрăшуллă ĕçĕрпе çирĕпленсе пытăр. Çирĕп сывлăх, иксĕлми вăй-хал, телейпе савăнăç сунатăп сире!
В.Я.ШАКРОВ, район администрацийĕн пуçлăхĕн ĕçĕсене туса пыракан.