00:00 03 августа 2010 г.
Кăçалхи августăн 2-мĕшĕ тĕлне районти ял хуçалăх предприятийĕсемпе хресчен-фермер хуçалăхĕсем выльăх-чĕрлĕх валли 2402 тонна утă (75 процент), 6831 тонна сенаж хатĕрлесе хунă. Силос хальлĕхе пĕртте хывайман-ха, планпа ăна 12463 тонна хатĕрлемелле.
Пĕрчĕллĕ тата пăрçа йышши тĕш тырă культурисене 3570 гектар (72 процент) çинчен çапса илнĕ, йĕтемсене пурĕ 3034 тонна тырă кĕнĕ. Тухăç пĕр гектар пуçне 8,5 центнерпа танлашать.
Уйра 34 комбайн ĕçленĕ.
“Акконд-агро фирма” ХАО ра тата ытти хăш-пĕр çĕрте тырă çапса тĕшĕлессине вĕçленĕ.
Кĕрхи тĕш тырă культурисем акма 2040 гектар çĕр хатĕрленĕ. Планпа вĕсене 3400 гектартан кая мар акса хăвармалла.