00:00 20 июля 2010 г.
Иртнĕ эрне вĕçĕнчен тытăнса хăш-пĕр ял хуçалăх предприятийĕсемпе хресчен-фермер хуçалăхĕсем пăрçапа кĕр тыррисене вырса çапма е çулса кушăхтарма тытăннă. “Акконд–агро фирма” общество 22 гектартан 32 тонна пăрçа çапса тĕшĕленĕ. Хумышев хресчен-фермер хуçалăхĕнче 15 гектар пăрçа çапнă. Кармалсем кĕр тыррисене çапса илме, “Шимкусский” ял хуçалăх кооперативĕ çулса кушăхтарма тытăннă.
Ытти ял хуçалăх предприятийĕсемпе хресчен-фермер хуçалăхĕсем те кăçалхи вырмана хатĕрленсе тĕш тырă комбайнĕсене, йĕтемсемпе кĕлетсене, тырра ĕçлесе тирпейлекен техникăна йĕркене кĕртсе çитереççĕ, тырă пулса пынăçемĕн уя тухма хатĕрленеççĕ.
Ял ĕçченĕсем çавăн пекех выльăх апачĕн хисепне ÿстерессипе те малалла ĕçлеççĕ, кĕр тыррисем акма çĕр хатĕрлесси те тимлĕхре.