00:00 16 июля 2010 г.
Июлĕн 14-мĕшĕнче район пуçлăхĕн çумĕ Г.Гаврилов ертсе пынипе чрезвычайлă лару-тăру тата пушар хăрушсăрлăхĕпе тивĕçтерес енĕпе ĕçлекен районти комиссин анлă ларăвĕ иртнĕ. Унта вăрах вăхăт шăрăх тăракан çанталăкра район территорийĕнче вут-кăвартан сыхланас, вăрмансем çунассине тата пушарта çынсем вилессине сирсе ярас, ялсенче вут-кăварпа кĕрешес ĕçре шывпа тивĕçтерес ыйтусене, çу кунĕсенче шыва кĕнĕ чух шыв объекчĕсенче путасран сыхланмалли мерăсем çинчен сÿтсе явнă, вĕсем тăрăх Госпожнадзорăн районти уйрăмĕн пуçлăхĕ А.Шакин, 45-мĕш пушар чаçĕн пуçлăхĕн тивĕçĕсене вăхăтлăха пурнăçласа пыракан В.Ананьев, район администрацийĕн тĕп специалист-эксперчĕ В.Исаев (комисси секретарĕ) тухса калаçнă. Йăнтăрчă ял поселенийĕн пуçлăхĕ И.Хайдукова шыва кĕмелли вăхăтра çынсене хăрушсăрлăх тĕлĕшĕнчен тивĕçтерес ĕç мĕнле пулса пынипе паллаштарнă. Район администрацийĕн АПК аталанăвĕпе экологи пайĕн начальникĕ В.Ванерке вăрах тăракан шăрăх та типĕ çанталăка пула çуртрисемпе пропашнойсем пĕтни, ял хуçалăхĕнче тавар туса кăларакансем пысăк тăкак тÿсни пирки пĕлтернĕ. Сÿтсе явнă ыйтусене комисси шута илнĕ, хăш-пĕрисем тăрăх йышăнусем тунă.
(Хамăр инф.).