00:00 05 мая 2010 г.
Районта çур аки–2010 вăй илсех пырать. Майăн 4-мĕшĕ тĕлне ял хуçалăх предприятийĕсемпе хресчен-фермер хуçалăхĕсем пурĕ 2995 гектар (34 процент) пĕрчĕллĕ тата пăрçа йышши тĕш тырă культурисем акса хăварнă, çак шутран 1300 гектарне урпа, 1200 гектарне çурхи тулă йышăннă, ытти – сĕлĕ, пăрçа. Пăрçана, тĕпрен илсен, “Акконд-агро фирма” обществăпа “Красная Чувашия” ял хуçалăх кооперативĕ акнă. Асăннă белоклă культурăна хальлĕхе 240 гектар вырăн панă.
“Акконд–агро фирма” УАО ĕнерхи кун тĕлне пурĕ 740 гектар пĕрчĕллĕ тата пăрçа йышши тĕш тырă культурисем акнă.
Выльăх апачлĕх пĕр çул ÿсекен курăксем хальлĕхе 150 гектар ытларах акса хăварнă.