00:00 27 апреля 2010 г.
Районти ял хуçалăх предприятийĕсемпе хресчен-фермер хуçалăхĕсем 2010 çулхи апрелĕн 26-мĕшĕ тĕлне 125 гектар çинчи кĕр калчисене тата 70 гектар ытларах нумай çул ÿсекен курăксене минераллă удобренисем парса апатлантарнă. Çĕртме сухине 1007, нумай çул ÿсекен курăксене 819 гектар сÿрелесе нÿрĕк хупланă. Хăш-пĕр хуçалăхсем культиваци туса çĕр хатĕрлеççĕ, çак ĕçе ĕнерхи кун тĕлне пилĕк-ултă хуçалăхра 742 гектар пурнăçланă.
Çурхи пĕрчĕллĕ тата пăрçа йышши тĕш тырă культурисем те акма тытăннă. Виçĕ хуçалăхра 259 гектар акса хăварнă, çав шутран “Акконд–агро фирма” уçă акционерлă общество хăех 184 гектарне акнă. Акнă чухне ретсене хутăш удобрени парса хăвараççĕ.
“Акконд–агро фирма” УАО çавăн пекех таса хальлĕн 23 гектар нумай çул ÿсекен курăксем акнă.
Ытти культурăсемпе пĕрле нумай çул ÿсекен курăксем пурĕ 106 гектар çĕнĕрен йышăннă.
113 гектар пĕр çул ÿсекен курăксем акнă.