17 июня 2008 г.
Пĕтĕм тĕнчери ачасене хÿтĕлемелли кун уçăлчĕ “Хĕвел” лагерь Тăрмăшри шкулта. Унта 1–7 классенче вĕренекенсем çÿреççĕ. Çанталăк çумăрлă пулин те, ачасем лагере кăмăлласах пыраççĕ. Вăйăсем, тĕрлĕ конкурссем, калаçусем пулаççĕ лагерьте, похода та каяççĕ хĕр ачасемпе арçын ачасем.
Прическа тăвассипе ăмăртрĕç пĕррехинче. Настя Николаева Л.Толстойăн “Вăрçă тата мир” романĕнчи Наташа Ростована аса илтерчĕ, çĕнтерÿçĕ пулса тăчĕ вăл. Иккĕмĕшпе виççĕмĕш вырăнсене Настя Козьмодемьянскаяпа Ольга Георгиева тухрĕç.
“Пирĕн лагерь” темăпа тĕрлĕ ÿкерчĕксем туса та тупăшрĕç лагерьтисем. Настя Козьмодемьянская, Виктор Звонаревпа Кристина Ефимована çитекенни пулмарĕ.
Тăрмăшри шкулти “Хĕвел” лагерьти кунсем асра юлччăр, хаваслă тата интереслĕ иртчĕр тесе тăрăшаççĕ воспитательсем.
Источник: "Ял ĕçченĕ"