Публикации » Пысăк вкладшăн – призсем (Финансы)

Чăваш Енре пĕрремĕш перекет касси уçăлнăранпа 122 çул çитрĕ, ăна Шупашкарта 1886 çулта майăн 29-мĕшĕнче уездри казначейство çумĕнче уçнă пулнă. Çакăнтан пуçланать те Раççей Перекет банкĕн Чăваш Енри уйрăмĕн кун-çулĕ. Ăна халалласа Перекет банкĕн Чăваш Енри уйрăмĕ май-июнь уйăхĕсенче ятарласа хăйне евĕр выляв ирттерет. Унта 50 пин тенкĕрен пуçласа пысăкрах вкладсем хывакансем хутшăнаççĕ. Вкладчиксене хавхалантарма кашни пĕр пин тенкĕлĕх 122 приз туса хунă. Чи сумлă тĕп приз та пур. Унпа та 50 пин тенкĕрен кая мар вклад хывакана хавхалантараççĕ, вăл – 10 грамлă ылтăн катăкĕ. Тен, асăннă тĕп приза Перекет банкĕн Тăвайри хушма офисне пысăк сумма упрама хывакан вкладчиксен пĕри çĕнсе илĕ. Апла пулсан июнĕн 30-мĕшĕнчен юлмасăр хăвăрăн укçа-тенкĕре Перекет банкне хывма васкăр.

 

В список