23 мая 2008 г.
Пурнăçра тем тĕрлĕ çын та пур. Пĕрисем тÿрĕ кăмăлпа, ырă шухăш-ĕмĕтпе, çынна лайăх тăвасчĕ тесе пурăнаççĕ. Çав вăхăтрах пирĕн хушăра кукăр алăллă, кама та пулин улталаса укçа тупасчĕ текенсем те пур. Вĕсем хăйсене ырă çынсем пек кăтартма тăрăшаççĕ, анчах чунĕ хăйсен хура, киревсĕр. Ултавçăсем тĕрлĕ меслетсемпе усă курса çынсен шанăçне кĕме тăрăшаççĕ. Халиччен чикансем юмăç пăхнă пек çÿренĕ пулсан, халĕ çамрăксем эмел, йăлара кирлĕ приборсем сутакансем, е уяв ячĕпе саламлакан студентсем пек çÿреççĕ. Çав вăхăтрах ăçта мĕн хаклă япала пуррине (орден, хаклă металл таврашĕ, кĕмĕл укçа тата ыт.те) сăнаççĕ, кил хуçине калаçтарнă хушăра, теприсем çав хаклă япалана çаклатса тухма тăрăшаççĕ. Çавăнпа та алăран япала сутакансемпе, палламан çынсемпе тимлĕ пулма ыйтатпăр.
Источник: "Ял ĕçченĕ"