15 мая 2008 г.
Май уйăхĕн пуçламăшĕнче Вăтаялĕнче хăрушă инкек пулчĕ, Владимир Пироговпа Валентина Сергеева кил хуçалăхĕ тĕппипех çунса кайрĕ. Кил-çуртра пулнă пĕтĕм япала, çав шутра ачасен тăхăнмаллисем, кĕл пулчĕç. 7 класра вĕренекен Евгений, 6 çулти Игорьпа пиллĕкри Илья кĕпе-тумтирсĕр тăрса юлчĕç.
Инкеке лекнĕ çемьене пулăшу парас шутпа “Единая Россия” партин вырăнти уйрăмĕ ачасем валли кĕпе-тумтир пуçтармалли акци ирттерет.
Енчен те сирĕн çемйĕрсенче арçын ачасем валли тăхăнмалли тумтир пур пулсан, вĕсем хăвăрăн ывăлăрсене пĕчĕк е пысăк, е текех кирлĕ мар-тăк, пирĕн пата пырса пама пултаратăр. “Единая Россия” партин Тăвайри уйрăмĕ район центрĕнчи кивĕ шкул çуртĕнче вырнаçнă.
“Ырă ырăпа таврăнать”, – теççĕ. Эсир ырă сунса панă япаласем Ырă ĕçсен çулталăкĕнче Вăтаяль ачисем валли вăхăтлă пулĕç.
Источник: "Ял ĕçченĕ"