13 мая 2008 г.
Чăваш Енре тĕрлĕ наци çыннисем килĕштерсе пурăнаççĕ. Тăван республика аталанса, чечекленсе пытăр тесе ырми-канми ĕçлеççĕ вĕсем. Чăвашсене паян тĕнчипех пĕлеççĕ, сума сăваççĕ, хисеплеççĕ. Нумаях пулмасть, ав, Шупашкарта XXIII Тĕнче Кубокĕ, фейерверксен фестивалĕ иртрĕ.
Тăван республика кунне ĕçри пысăк çитĕнÿсемпе кĕтсе илме хатĕрленет халь пирĕн халăх. Уяв кăçал Шупашкарта, Йĕпреçпе Муркаш районĕсенче иртет. Республика кунне кĕтсе тăвайсем те тĕрлĕ ĕç тăваççĕ. Урамсене тасатрĕç, кукăр ÿсекен йывăçсене касрĕç, çуртсен умĕнчи картасене май килнĕ таран юсарĕç, хăшпĕрисем сăрларĕç те. Умри пахчасенче чечексем тавралăха илем кÿме тытăнчĕç.
Пирĕн районăн культура ĕçченĕсем те тăтăшах хутшăнаççĕ республика кунне уявлама. Кăçал та вĕсем унта çитсе курма ĕмĕтленеççĕ. Чи лайăх номерсемпе çула тухрĕç, Шупашкарта пурăнакансене юрласа-ташласа савăнтарĕç.
Источник: "Ял ĕçченĕ"