08 мая 2008 г.
Аслă Çĕнтерÿ тунăранпа 63 çул çитет. Ăна çывхартма пирĕн рай-онта çуралса ÿснĕ çынсем те чылайăн хутшăннă. Нимĕçсене хирĕç çапăçса паттăрлăх кăтартнă, килĕсене каялла таврăнайманнисем те пур. Мирлĕ пурнăç тума хастаррăн хутшăннисем, Тăван çĕршывăн Аслă вăрçинче çапăçнисен йышĕ çулсем иртнĕ май, шел пулин те, сахаллансах пырать. Çавăнпа пирĕн, çамрăксен, пурăнакан вăрçă ветеранĕсене хисеплемелле, сума сумалла, вĕсенчен паттăрлăха вĕренмелле.
Нÿшкассинчи вăрçăпа ĕç ветеранне Василий Павлович Павлова пĕлмен çын та çук пуль районта. Пĕтĕмĕшле ĕç стажĕ 43 çул шут-ланать унăн, вĕсенчен 36-шне шкулта ĕçленĕ. Тăван çĕршывăн Ас-лă вăрçинче нимĕçсемпе çапăçнă, 1945 тата 2000 çулсенчи Çĕнтерÿ парадне хутшăннă ентешĕмĕр. Халĕ çамрăксене патриотизмла вос-питани пама активлă хутшăнать.
Сăн ÿкерчĕкре: район пуçлăхĕ Н.Иванов, çĕр ĕçĕнче мухтава тивĕçлĕ пулнă М.Суракинпа педагогика ĕçĕн ветеранĕ Г.Павлов "Тăрмăш", Нÿшкассинчи вăрçă ветеранĕ В.Павлов Пĕлÿ кунне уявланă чухне.
А.Никитина сăн ÿкерчĕкĕ.
Источник: "Ял ĕçченĕ"