29 апреля 2008 г.
Пирĕнтен кашниех кулленхи пурнăçра мĕнрен те пулин шикленет (сывлăха, ĕçлес пултарулăха, пурлăха çухатасран тата ыттирен). Ахальтен мар граждансем валли страхлакан системăсем туса хунă (медицина страхованийĕ, пурлăха, çурт-йĕре, выльăх-чĕрлĕхе страхласси т.ыт.те). Вĕсенчен хăшпĕрисене обязательнăй йĕркепе, теприсене ирĕклĕ майпа тăваççĕ. Юлашки мелĕпе пурне те страх-лама пулать темелле. Чи кирли – страхлакан компанипе килĕшÿ тă-васси, унта взнос хывасси. Страхланакан компание граждансем ăн-ланупа пыраççĕ, хăйсемпе е пурлăхĕпе ăнсăртран инкек-синкек сик-се тухас пулсан, страховщик вĕсене палăртнă суммăна тÿлессе ша-наççĕ.
Тăвайĕнче пурăнакан А. гражданка та çаплах шутланă. Иртнĕ çулхи мартра вăл "Росгосстрах-Поволжье" тулли мар яваплăхлă общест-вăпа хăйĕн çурт-йĕрне тата килти пурлăхне пĕр çулталăклăха страхлас пирки килĕшÿ тунă. Сых ятне çакнашкал килĕшĕве вăл çулленех туса пынă-ха. Инкек куçа курăнса килмест, теççĕ вĕт. Пĕр шутламан çĕртен А.гражданкăн та страхланă çурт-йĕр, пĕтĕм пур-лăхĕ вут-кăвар инкекĕнче çунса кĕлленет. Çÿлерех асăннă компани-рен страхланă суммăна тÿлеме ыйтать А. Пушара пула инкек курнă çемьене çуннă пурлăхшăн 100 пин тенкĕ тÿлеççĕ, анчах çурт-йĕршĕн 205 пин тенкĕ тÿлеме килĕшмеççĕ. Çакна вут-кăварпа сиен-леннĕ çурт А. гражданкăн мар, унăн мăшăрĕн пулнипе ăнлантарма пăхаççĕ. Çавăнпа та çурт-йĕре страхлас тĕлĕшпе тунă килĕшÿ вăй-ра тăмасть имĕш. А. çак шухăшпа килĕшмест, вăл тĕрĕслĕх шыраса район судне çитет, страховани компанийĕ шутĕнчен вут-кăвар ин-кекĕнче çурт-йĕр çунса кайнипе пулнă тăкака саплаштарас тĕллевпе тивĕçлĕ суммăна шыраса илме тавăç заявленийĕ тăратать.
"Росгосстрах-Поволжье" общество представителĕ суд ларăвĕнче çав тавăçа йышăнмарĕ, страховани килĕшĕвĕ тунă тавăç тăратака-нăн страхланă пурлăха упрама хăйĕн те интерес пулман тесе ăн-лантарма хăтланчĕ. А. çав шухăшпа килĕшмерĕ, мăшăрĕнчен уй-рăлнă пулин те, вăл унпа пĕр çуртрах пурăннă, çунса кайнă çурт вĕсен пĕрлехи пурлăхĕ пулнă тесе çирĕплетрĕ. Уйрăлнă çынсем пурлăха пайламан, ачисене пĕрле ÿстернĕ, пĕрлехи хуçалăх тата укçа-тенкĕне пĕрле тытнă. Çавăнпа та суд А. гражданкăн пĕрле ĕçлесе тунă пурлăха упрама тÿрремĕнех интерес пулнă текен пĕтĕмлетÿ турĕ, страховщикрен тавăç тăратакана килĕшÿ усло-вийĕнче кăтартнă суммăна шыраса илсе пама йышăну турĕ.
Источник: "Ял ĕçченĕ"