15 ноября 2019 г.
Чăваш Республикинчи нумай ачаллă çемьесен социаллă пулăшăвĕсенчен пĕри - çĕр пайне тÿлевсĕр парасси. Ку закон 2011 çулта вăя кĕнĕ. Унтанпа Чăваш Енре пурĕ нумай ачаллă 8182 çемье çĕр пайĕллĕ пулнă, вĕсенчен 2019 çулта - 717 çемье. Пурнăç условийĕсене лайăхлатма - 5230 çемьене, 2795-шне килти хушма хуçалăха аталантарма, сад тата пахча-çимĕç ĕрчетме 157 çемьене çĕр пайĕ панă.
Пирĕн районта та нумай ачаллă 181 çемье çĕр лаптăкĕ илме регистрацие тăнă, 124 çемьене сертификат панă.
Çемьесене çĕр лаптăкĕпе тивĕçтернин пĕтĕмĕшле лаптăкĕ районта 40,689 гектар.