15 ноября 2019 г.
Пирĕн республикăра пурăнакан нумай ачаллă 6500 çемье удостоверени илнĕ. Çак документа кил-йышра 18 çула çитмен виçĕ е ытларах ача пулсан параççĕ, усрава илнисене те шутлаççĕ.
Удостоверени илес тесен халăха социаллă пулăшу паракан районти пая пымалла. Ача çуралнине çирĕплетекен свидетельствăсен, вĕсем районта регистрацие тăнине кăтартакан, ашшĕпе амăшĕ пĕр çемьере пулнине палăртакан (свидетельство о браке) документсен тата ачана усрава илнине çирĕплетекен суд йышăнăвĕсен копийĕсене, мăшăрăн 3х4 виçеллĕ сăн ÿкерчĕкĕсене памалла. Асăннă документ виçĕ çул вăйра тăрать, ун хыççăн заявлени çырсан, удостоверени срокне тăсаççĕ.
Тăвай енре нумай ачаллă 222 çемье шутланать. Удостоверени илме заявлени çырнă 144 çемье ыйтăвне ку енĕпе тивĕçтернĕ.