28 сентября 2018 г.
Нацисен ĕçĕсен тата тĕн пĕрлешĕвĕсемпе ĕçлекен Канашсен пĕрлехи ларăвĕ пулнă. Унта тăватă ыйту пăхса тухнă.
Малтан Енĕш Нăрваш чиркĕвĕн настоятелĕ Георгий Петров протоиерей, ял тăрăхĕ-сен пуçлăхĕсем - А.Семенов, О.Шакшина, В.Николаева, Г.Иванов, Г.Куклов, П.Захаров, Р.Егоров, Н.Сормов тата заместителĕсем - А.Алексеевапа Т.Антонова тухса калаçнă. Тĕрлĕ наци çыннисем районта туслă пурăнни пирки пĕлтернĕ.
Ăс-тăнпа нравственность воспитанийĕ парассипе культура учрежденийĕсенче мĕнле ĕçлени çинчен районти клуб системисен директорĕ А.Алексеева каласа кăтартнă.
Тăвай больницинчи район педиатрне С.По-ликарпована та интересленсе итленĕ. Йывăр лару-тăрура пурăнакан çул çитмен ачасене, пулас çамрăк амăшĕсене пулăшу кирлине палăртнă ача-пăча врачĕ.