21 сентября 2018 г.
Тăвайри тĕп больница территорийĕнче тасалăхшăн тăрăшакан санитаркăсене час-часах асăрхама пулать. Иртнĕ эрнере те ушкăнпах ĕçлетчĕç вĕсем поликлиника çурчĕн гаражсем вырнаçнă енчи çул çинче, çулçăсене шăлса тасатса купасем туса хăваратчĕç. «Вăй патăр, ан тасатăр, пĕрех татах ÿкеççĕ-çке çулçăсем»,-çапла шÿтлесе сăмах пуçартăм тирпейлекен хĕрарăмсемпе.
-Пирĕн кунта йĕрки çапла. Пÿлĕмсен тасалăхĕшĕн тимленисĕр пуçне картишне те пăхса тăмалла. Эрнере икĕ кун ĕçлетпĕр,-хуравларĕç аллисене шăпăр тытнисем.
Э.Феофанова, М.Романова, О.Михайлова, М.Биктимирова, С.Иванова, Т.Никифорова, С.Анисимова санитаркăсем ывăнма пĕлмесĕр ĕçлерĕç картишĕнче çав кун. С.Васильевапа Ю.Михайлова çулçă куписене михĕсем çине тултарса пычĕç.