02 сентября 2014 г.
Автоçулсене кирлĕ пек пăхса тăни - чи малтанах çынсен хăрушсăрлăхĕшĕн. Кирек мĕнле условисенче те нормативлă шайра пулма тивĕç вĕсем.
Районта кăçалхи августăн 28-мĕшĕ тĕлне çул-йĕр ĕçĕсене 9,3 млн. тенкĕлĕх пурнăçланă. Муниципаллă район чиккисенче вырăнти пĕлтерĕшлĕ автоçулсене тата искусственнăй сооруженисене пăхса тăма - 5,43 млн. тенкĕлĕх, çулсене горизонталлĕ паллă туса тухма 346,895 пин, ялсен чиккисенче вырăнти пĕлтерĕшлĕ автоçулсене тата искусственнăй сооруженисене пăхса тăма - 962,315 пин тата çав пĕлтерĕшлисене юсама - 2912,273 пин тенкĕ янă.
Вĕсемсĕр пуçне кăçалхи августăн 26-мĕшĕнче контрактсем тунă: "Аниш-Лачкасси" автоçул çинче 368,319 пин тенкĕлĕх барьерлă чару (ограждение) тума, "Тăвай - Чутей - П.Кайпăç - Киччĕ" автоçула 800 погоннăй (вăрăмăш) метр тăршшĕ 2297,885 пин тенкĕлĕх юсама; Тăвай ялĕнчи картиш территорийĕсене юсама - 1038,2 пин тенкĕлĕх.
Асăннă участоксенче ĕçсем çывăх вăхăтрах пуçланĕç.
М.СТЕПАНОВ.