29 августа 2014 г.
Кăçал Тăвай енри 174 ĕçсĕр çынна обществăлла ĕçсене хутшăнтармалла. Паянхи куна ку енĕпе 30 килĕшỹ тунă, 123 çынна ĕçе вырнаçтарнă. Вăхăтлăх ĕç вырăнĕ тупассипе районти организацисем начар мар тăрăшаççĕ.
"Родник", "Право", "Тăвайри кооператив", "Тăвайри кирпĕч завочĕ", "Акконд-агро фирма" обществăсем, Грачев хресчен-фермер хуçалăхĕ, ял тăрăхĕсен администрацийĕсем ĕçсĕррисене пулăшассишĕн тимлеççĕ. Районти ĕçпе тивĕçтерекен службăра учетра тăракансем тавралăха тирпей-илем кỹреççĕ тата ытти ĕçсене пурнăçлаççĕ. Кĕркунне обществăлла ĕçсем нумайланаççĕ. Йывăçсен ỹкнĕ çулçисене пуçтармалла, ашкăрса ỹсекен çумкурăка çулса пăрахмалла.
Л.МИХАЙЛОВА.