26 августа 2014 г.
Августăн 25-мĕшĕ тĕлне районти ял хуçалăх предприятийĕсемпе хресчен-фермер хуçалăхĕсем пурĕ 7650 гектар (планăн 65,3 проценчĕ) çинчи пĕрчĕллĕ тата пăрçа йышши тĕш тырă культурисене пухса кĕртнĕ. "Родник" ООО, "Дружба", "Новый путь" ял хуçалăх кооперативĕсем, В.Грачев тата ытти хăш-пĕр хресчен-фермер хуçалăхĕсем тырă пухса кĕртессине вĕçленĕ. Районĕпе пурĕ 13900 тонна тырă çапса тĕшĕленĕ, вăтам тухăç пĕр гектар пуçне 18,2 центнерпа танлашать. Хальлĕхе чи пысăк тухăç "Чутеевский" ял хуçалăх кооперативĕн - 21,4 центнер, С.Михайлов ХФХн - 21,1 центнер. Çав вăхăтрах "Дружба" хуçалăхра кашни гектартан 14,8, "Новый путь" хуçалăхра 9,1 центнер тырă çапса илнĕ.
Районĕпе ĕнерхи кун тĕлне 1150 гектар кĕрхи тĕш тырă культурисем акса хăварнă. Çак шутран "Акконд-агро фирма" хупă акционерлă общество 342 гектарне, "Чутеевский" ял хуçалăх кооперативĕ 117 тата Грачев хресчен-фермер хуçалăхĕ 120 гектарне акнă.
Хăш-пĕр хуçалăхсем çĕртме сухи тăваççĕ, улăма пухса рулонлаççĕ.
Хĕле хатĕрленсе, ял хуçалăх предприятийĕсемпе хресчен-фермер хуçалăхĕсем пурĕ 3560 тонна (100 процент) утă, 8811 тонна (100) сенаж тата 2020 тонна (планăн 18 проценчĕ) силос хатĕрлесе хунă.