26 августа 2014 г.
Çурт-йĕр тумалли программăпа килĕшỹллĕн кăçал районта 11000 тăваткал метр чухлĕ пурăнмалли вырăн тума палăртнă. Ултă уйăхра 3004 тăваткал метрне хута янă.
Тăвай енри 51 çамрăк çемье çĕнĕ хваттер е çурт илме пурĕ 63,4 миллион тенкĕлĕх ипотека кредичĕ илнĕ. Икĕ çамрăк специалиста пурăнмалли çурт-йĕр тума патшалăх пулăшăвĕ илмелли икĕ свидетельство (983200 тенкĕлĕх) панă.
Район центрĕнчи юсавпа техника территорийĕнче 12 хваттерлĕ çурт çĕкленет. Çиччĕшĕ (кашни 33 тăваткал метр чухлĕ) тăлăх ачасем валли пулать. Авариллĕ çуртсенче пурăнакансем валли Ленин проспектĕнче 12 хваттер хатĕрлеççĕ.
2011-2013 çулсенче пирĕн районта нумай хваттерлĕ 13 çурта тĕпрен юсанă, вăтăр тăххăрĕшĕнче вара харпăр хăй газпа хутса ăшăтасси çине куçарнă.
И.СТЕПАНОВ.