22 августа 2014 г.
Кашни çĕр-шывăн патшалăх символĕсем пур. Герб, ялав, гимн. Патшалăх символĕсем - çĕр-шыв историйĕ, тата унăн паянхи кунĕ. Вĕсем çĕр-шыв çул-йĕрĕн хăйевĕрлĕхне палăртаççĕ, ытти патшалăхсенчен мĕнпе уйрăлса тăнине уçса параççĕ. Акă Раççейĕн тĕп символĕсенчен пĕри - патшалăх ялавĕ. 1994 çулхи августăн 22-мĕшĕнченпе Раççей Федерацийĕн патшалăх ялавĕн кунне паллă тăваççĕ.
Çавна май августăн 19-23-мĕшĕсенче районти библиотекăсенче тĕрлĕ мероприяти иртнĕ. "Триколор России" тематикăлла калаçу, "Флаг России", "Флаг свободы и независимости" информаци сехечĕсем йĕркеленĕ. "Новая Россия - новые символы", "Что я знаю о России" пĕлỹ паракан вăйăсем, конкурссем кĕçĕн вулакансем валли пулать.
Енĕш Нăрвашри информаципе культура центрĕн "Пучах" агидбригади "Раççей ялавĕ çумĕнче" программăпа "Красная Чувашия" ЯХПК ĕçченĕсене паллаштарать.
Чутей ял тăрăхĕнче - спорт ăмăртăвĕсем, Тушкилте сĕтел çи теннис вăййисем пулаççĕ.
А.ИВАНОВА.