15 августа 2014 г.
Октябрĕн 9-11-мĕшĕсенче вара Шупашкарта халăхсем хушшинчи "Раççей - спорт патшалăхĕ" форум иртет. Чăваш халăхĕшĕн пысăк чыс ку.
Чăваш Ен спорта мала хурать тени ахальтен мар. Пирĕн районта та спорта кăмăллакансем, сывă пурнăç йĕркине тытса пыракансем чылай. Тăвайсем те форума хутшăнасса шанас килет. "Аль" физкультурăпа спорт комплексне тĕрлĕ секцисене çỹресе вăй-хала çирĕплетме, кăмăл-туйăма çĕклеме условисем çителĕклĕ. Сывлăхпа спорт кунĕсенче кашни уйăхрах районта пурăнакансем "Аль" ФСК пулăшăвĕсемпе тỹлевсĕр усă курма пултараççĕ. Сывлăх кашни çыншăн хаклă тупра пулнине асра тытар.
В.КУЗНЕЦОВ,
"Аль" физкультурăпа спорт комплексĕн директорĕн çумĕ