15 августа 2014 г.
Чăваш Енре спорта пĕр тăтăш хутшăнакан, унпа туслă çынсен хисепĕ 36 процента яхăн (Раççейре вăтамран 27,5 процент). Республикăра спорт сооруженийĕсемпе тивĕçтересси те лайăхрах - 45,9 процент. Раççейĕпе ку кăтарту вăтамран 39,7 процентпа танлашать.
Çакăн пирки Чăваш Ен Пуçлăхĕпе Михаил Игнатьевпа РФ спорт министрĕ Виталий Мутко тĕл пулнă чухне каланă. Вăл çавăн пекех физкультурăпа спорт ĕçне чи лайăх йĕркелессишĕн çуллен ирттерекен Пĕтĕм Раççейри смотр-конкурс итогĕсем тăрăх Чăваш Республики Раççей Федерацийĕнче йышĕпе 2 млн. таран çын пурăнакан регионсем хушшинче 2-мĕш, Раççейре пĕтĕмĕшле вара 4-мĕш вырăн йышăннине, физкультурăпа спорта аталантарассине республикăра малашне те тивĕçлĕ тимлĕх хурасса шанса тăнине пĕлтернĕ.
ЧР Пуçлăхĕн Администрацийĕн пресс-служби.