12 августа 2014 г.
Нумай хваттерлĕ çуртсене кĕрекен шыв трубисем те çулсем иртнĕ май кивелсе юрăхсăра тухаççĕ, шыв юхтарма пуçлаççĕ.
Нумаях пулмасть Тăвай ялĕнчи юсавпа техника территорийĕнче çĕр айĕнчен шыв "тухма" пуçланă. Çавна май ытти объектсенчи шыв пусăмĕ чакнă. Хальхи вăхăтра вара таса шывсăр пурăнма май çук, кашни самантрах ĕçес те килет.
"Коммунальник" тулли мар яваплăхлă обществăн опытлă слесарьсен бригади çỹлерех асăннă çитменлĕхе кĕске срокра пĕтернĕ. Çакăншăн вĕсене Тăвай ялĕнче пурăнакансем тав тăваççĕ, çăмăл мар ĕçĕнче ăнăçу сунаççĕ.
А.ПАВЛОВА.